سميتك حبيبي

سميتك حبيبي
سميتك محبة و عاطفة و اشواك
وسميتك حياتي اوردة سنيني
وانه حبيتك وما همني انت منين
وارد اعرف شنو شراح انت تسمسني
سميني شماردت قابل انه وياك
لجن اريد بكلبك يا حلو تخليني
خليني بكلبك سد عليه الباب
واريدك يغالي من البشر تحميني
ولاتعتب علكلب لو يون تالي الليل
ولاتعتب لو تمطر بالعشك عيني
صدكني من حبك ضيعت الدروب
ومن فراكك تاهت كل موازيني
لان مابيه هجر صدكني لو يوم
وبعدك حبيب الكلب ياذيني
وصدكني عجيب انته وهاي مدري اشلون
لان شخصك من دون البشر غاويني
احسك كمر يضويلي درب الليل
واحسك شمس من بردتي تدفيني
انه بشخصك متيم حيل كلش حيل
وبفراكك جمرات الكلب تجويني
وشما سميتك مقصر انه وياك
واريد ابيت اهلك يا حلو ادليني
لجن سميتك حبيبي وهاي تسوه الكون
خلي انشوف هسه انته شتسميني؟؟؟؟
الشاعر
فتيان الفتلاوي