اجدد الابوووووووووووذيات

يمة بير الوفا بداخلي دلوا انترس من دلة..
ولحبابي أصب كهوة من عيني مو من دلة..
دليتلة درب العدل بس كال أبد ما ندلة
و داس على كلبي ومشى

يضل كلبي بمحبتك دوم ينشد
يحبك بس عليك هواي ينشد
عرفت العظم من ينكسر ينشد
وانة كليبي انكسر شي شيشدة الية

جروحي بروحي خفيه من يراهن
عيوني وعمت الكم من يراهن
بعد يومين اموتن من يراهن
اذا ما متت عود اعتب عليه

صفيت اصفك يمنه فوك يسرة ...
ودمع العين على الوجنات يسرة ...
وربي يكول بعد العسر يسرة ...
العسر شفته واليسر مامر عليه

الوكت مانشف عيوني وشرهن
وطحت بالغاسق الواقب وشرهن
رهنت الروح لودادك وشرهن
بعد بس كاع كبري ومو اليه

احبك من صغر عودي وسني
ومن حبك سقط شعري وسني
على حالي بچه شيعي وسني
وثالثهم مسيحي يون علي

احبك يالشعرك مفلفل فلافل
ول انضرب عنك الف بوري فلاافل
ريتني اصيرن بحلكة لفة فلافل
واحس بطبكة سنونك عليه

وحگ ام الكرم والطيب حديثه
اريد اكابل المحبوب واسمع حديثه
اريد اعرف قديم اخباره وحديثه
وبلياه الزمن ناعور ودار بيه

ادور رفوف كلبي عليك رف رف
لكيتك نبض بالدلال رفرف
يا بيرغ عراضة زماط رفرف
تروج الكاع حدرك يا شفية

لاجل عينك اصير رماد وانذر
ولشوفتك اطش جكليت وانذر
اذا فد يوم اصيرن حكم وانذر
اشيل احمر طرد مو بيك بيه

الكباحه دوم من اشفاك تنباع
ابفلس ما ظن بسوك الهرج تنباع
من حجيك غشيم الراي تن باع
وطلع كله دغش وسموم حيه

اهمومي ماتعدهه ارقام ونمر
متى نكدر نفوت اعليك ونمر
دليلي اعلى المصايب صلف ونمر
يضحك والدهر محرب عليه


انشا الله تكون عجبتكم
تحيـــــاتي